Yevlax Şəhər Uşaq Gənclər İdman Məktəbində sərbəst və Yunan-Roma güləşi üzrə yeniyetmələr arasında respublika birinciliyinin zona mərhələsi keçirilib. 
                Zona birinciliyində Yevlax, Mingəçevir, Zaqatala, Balakən, Şəki, Qax, Bərdə, Ağdam rayonlarının komandaları mübarizə aparıblar. 1999-2001-ci təvəllüdlü güləşçilərin iştirak etdiyi yarış iki gün davam edib. “Bu yarışın qalibləri finala vəsiqə qazanıb və mayın 25-də Bakıda keçiriləcək finalda iştirak edəcəklər. Məqsəd finala vəsiqə qazanmaq və finalda çempion olub Avropa və dünya çempionatına getməkdir” deyə region üzrə koordinator Azər Allahverdiyev bildirib. 
                Yarışda yüksək yer tutan idmançılar medal kubok və diplomla mükafatlandırılıb. Onlar final mərhələsində iştirak etmək hüququ əldə ediblər.