16.12.2016-cı il tarixdə Yevlax Şəhər Təhsil Şöbəsinin akt zalında Azərbaycan dili və ədəbiyyatı müəllimlərinin  seminarı keçirilmişdir. 

Seminarda Şəhər Təhsil Şöbəsinin Metodkabinetinin direktoru Xaləddin Niftəliyev  “Ümumi orta  (9 illik) təhsil bazasında ümumi təhsil proqramları  (kurikulumları) üzrə  buraxılış imtahanlarının modeli” barədə  geniş təqdimat etmiş, yeniliyin səbəbləri, mahiyyəti və  məzmunu müəllimlərə çatdırmışdır. Onlara imtahana  hazırlıq məqsədilə şagirdlərlə müvafiq iş aparmaq tövsiyə olunmuşdur.

Seminarın gündəliyinə uyğun olaraq  şəhər 1 nömrəli  məktəbin müəllimi  Gülər Rəsulovanın   VI sinifdə, şəhər 3 nömrəli tam orta məktəbin müəllimi   Samirə Xəlilovanın   V sinifdə Azərbaycan dili fənni üzrə nümunə dərsləri nümayiş etdirilmiş,  müəllimlər  bu dərslər barədə öz fikir və mülahizələrini bildirmişlər.