Şəhər Təhsil Şöbəsində ulu öndərin anadan olmasının 93-cü ildönümünə həsr olunmuş elmi-praktik konfrans keçirilmişdir.

Məktəb direktorlarının və müəllim  kontingentinin iştirak etdiyi elmi-praktik  konfransı giriş sözü ilə Şəhər Təhsil Şöbəsinin müdiri Zərifə Məmmədova açdı. Şəhər 1 nömrəli tam orta məktəb şagirdlərinin və konfrans iştirakçılarının dövlət  himnimizi birgə ifalarından sonra elmi-praktik  konfrans öz işinə başladı. İlk öncə ulu öndərin həyat və fəaliyyəti ilə bağlı film  nümayiş etdirildi.

Sonra tribuna önünə çıxan 2 saylı tam orta məktəbin müəllimi, respublikanın əməkdar müəllimi Leyla Səlimova “Dünya Azərbaycanlılarının ümummili lideri, qüdrətli dövlət xadimi Heydər Əliyevin ömür yolu nəsillərə nümunədir” mövzusunda geniş və əhatəli məruzə ilə  çıxış  etdi.

O, öz çıxışında ümummilli liderin çoxşaxəli ömür yolundan zəngin dövlətçilik təcrübəsindən, siyasət aləmində qazandığı möhtəşəm uğurlardan, Azərbaycanın qoca Şərqin qapısında müstəqil, suveren və qüdrətli dövlətə çevrilməsi naminə misilsiz xidmətlərindən böyük qürur hissi ilə bəhs etdi, 5 nömrəli tam orta məktəbin direktoru Zərxanım Əhmədova, Qaraoğlan kənd tam orta məktəbin direktoru Ağalar Həsənov, Xaldan kənd kompleks tam orta məktəbin direktor müavini Əfrasiyab Həsənov və başqaları məruzə   ətrafında çıxış edərək  ulu öndər   haqqında   ən xoş xatirələrini və  fikirlərini dilə gətirərək, siyasət aləminin korifeyinin ölməz ideylarının, təhsil konsepsiyalarının  möhtərəm  Prezidentimiz İlham Əliyev  cənabları tərəfindən uğurla həyata keçirilərək Vətənimizi daha nurlu sabaha apardığını sonsuz  qürur hissi ilə vurğuladılar.

                Tədbirin sonunda YAP Yevlax rayon təşkilatının aparat rəhbəri Əli Quliyev çıxış edərək fəxrlə vurğuladı ki, əbədiyaşar liderin ölməz xatirəsinin böyük təntənə ilə qeyd olunması məhz qədirbilən xalqımızın qəlbindən  qaynaqlanan  istək və  arzudur.

Tədbirin sonunda ulu öndərin anadan olmasının 93-cü ilönümünə həsr olunmuş inşa-yazı müsabiqəsinin qaliblərininin adı açıqlandı və onlara iştirakçıların təntənəli  alqışları altnda mükafatlar təqdim olundu.