Yevlax Şəhər Təhsil Şöbəsi ilə YAP Yevlax rayon təşkilatı məktəblilər arasında keçirdikləri Heydər Əliyevin anadan olmasının 94-cü ildönümünə həsr olunmuş inşa yazı  müsabiqəsinə yekun vurulmuşdur.

    “Heydər Əliyev Müstəqil Azərbaycan dövlətinin qurucusudur”, “Heydər Əliyev və milli-mənəvi dəyərlər” və “Heydər Əliyev məktəblilərin gözü ilə” mövzularını əhatə edən  inşa yazı müsabiqəsində rayonun ümumtəhsil məktəblərininin şagirdləri iştirak etmişdir.

     Rayon mərhələsinə vəsiqə alan 49 nəfər şagird arasında 4 nömrəli tam orta məktəbin X sinif şagirdi Elmira Ləzgiyeva birinci, 5 nömrəli tam orta məktəbin VIII sinf şagirdi Nigar Əliyeva ikinci, Qoyunbinəsi kənd tam orta məktəbin IX sinif şagirdi İlahə Qarayeva isə üçüncü yerə layiq görülmüşlər. May ayının  10-da ulu öndərin möhtəşəm abidəsi önündə əlamətdar tədbir iştirakçılarının təntənəli alqışları altında qaliblərə fəxri fərmanlar və qiymətli hədiyyələr təqdim olunmuş, təhsildə daha böyük uğurlar arzulanmışdır.