21 fevral 2019-cu il tarixdə Yevlax rayon Yuxarı Qarxun kənd tam orta məktəbində "Beynəlxalq Ana Dili Günü"nə həsr olunmuş tədbir keçirilib.

 Tədbirdə məktəbin müəllim kollektivi və şagirdlər iştirak edirdi. Tədbiri giriş sözü ilə açan məktəbin təlim-tərbiyə işləri üzrə direktor müavini Bərxudarov Camal çıxışında 21 fevral tarixinin dünyada Beynəlxalq Ana dili günü kimi qeyd olunmasından danışdı. Müəllimlərdən Əhmədova Zeynəb, Baxşalıyeva Mətanət, kitabxanaçı Zülfüqarlı Gülbahar da çıxış edərək Ana dilinin qorunmasından, onun inkişaf etdirilməsindən və bu sahədə Dövlət Başcısının gördüyü  işlər barədə danışdılar. Sonra şagirdlər Ana dili gününə həsr olunmuş mahnılar səsləndirdilər və şeirləri söylədilər.