25 may 2019-cu il tarixdə S.Vurgun adına şəhər 5 nömrəli tam orta məktəbdə Aprel döyüşçüsü, Milli Qəhrəman Asif Novruz oglu Rəsulovla görüş keçirilib.

Tədbirdə Milli Qəhrəman Asif Rəsulov, Şəhər Təhsil şöbəsinin əməkdaşı Mirtaleh İsmayılzadə, məktəbin rəhbər işçiləri, şagird və müəllim kollektivi iştirak edirdi. Dövlət Himninin səsləndirilməsi ilə başlanan tədbirdə giriş sözü ilə çıxış edən məktəbin direktoru Zərxanım Əhmədova  Milli Qəhrəman Asif Rəsulovun Azərbaycan  Xalq Cümhuriyyətinin 101-ci il dönümü ilə baglı tədbirə dəvətimiz qəbul edib  gəldiyi üçün dərin təşəkkürünü bildirdi.Sonra söz Milli Qəhrəman Asif Rəsulova verildi. İlk öncə onu bu tədbirə dəvət edən məktəb direktoruna və məktəbin GÇQH rəhbəri İlkin Möhsümlüyə minnətdarlığını bildirdi. Sonra Milli Qəhrəman aprel döyüşləri zamanı  Azərbaycan oğullarının göstərdikləri rəşadət və igidliklər barədə şagirdlərə məlumatlar verdi. Şagirdlərə vətəni, dövlətimizi sevməyin necə bir ülvi hiss oldugunu, vətənpərvərlik hisslərinin ona məktəbdə oxudugu vaxtlarda müəllimləri, hərbidə isə komandirləri tərəfindən aşıllandıgını bildirdi.

     Sonda  şagirdlər vətənə həsr olunmuş  şeirlər söylədilər, mahnılarla oxudular, Milli Qəhrəmanla xatirə şəkili çəkdirdilər.