5 oktyabr 2019-cu il tarixdə Yevlax Şəhər Təhsil şöbəsinin akt zalında "Beynəlxalq Müəllimlər günü” münasibətilə tədbir keçirilib.

     Tədbirdə  Yevlax Şəhər İcra Hakimiyyəti Başcısının müavini Qənimət Qaraşov, Səfərbərlik və Hərbi Xidmətə Çağırış üzrə Dövlət Xidmətinin Yevlax rayon şöbəsinin rəisi Elməddin Cəfərov, məktəb rəhbərləri və bir qrup qabaqcıl müəllimlər və mətbuat nümayəndələri iştirak edirdi. Dövlət Himninin səsləndirilməsi ilə başlayan tədbirdə  Şəhər Təhsil şöbəsinin müdir əvəzi Xaləddin Niftəliyev  iştirakçıları salamlayaraq təhsil sahəsində əldə olunan uğurlarından bəhs edən məruzə ilə çıxış edib. Çıxışında bildirdi ki, Dövlət Başçısının 03 oktyabr 2019-cu il tarixli sərəncamları ilə şəhər 5 nömrəli tam orta məktəbin müəllimi Telli Kərimxanovanın «Tərəqqi» medalı ilə, Təhsil Nazirliyinin 04 oktyabr 2019-cu il tarixli müvafiq əmri ilə Kövər kənd tam orta məktəbin direktoru Sevda Kərimovanın və Yuxarı Qarxun kənd tam orta məktəbin tərbiyə işləri üzrə direktoru müavini Camal Bərxudarovun  Fəxri Fərmanla  təltif  edilməsi Yevlax müəllimlərinin əməyinə dövlət tərəfindən verilən qiymətin əyani təzahürüdür.Tədbirdə ŞİHB-nın müavini Q.Qaraşov və SHXÇDX-nın rayon şöbəsinin rəisi çıxış edərək bu müqəddəs peşə sahiblərinin bayram münasibətiylə təbrik etdilər və işlərində uğurlar arzuladılar. Peşə bayramı münasibətiylə rayonun bir qrup qabaqcıl təhsil işçilərinə Şəhər İcra Hakimiyyətinin, Şəhər Təhsil şöbəsinin və SHXŞDX-nın rayon şöbəsinin Fəxri Fərmanları və qiymətli hədiyyələri təqdim edildi.

        Sonda ŞTŞ-nın Metodkabinetin direktoru Əli Quliyev, Yuxarı Bucaq kənd ümumi orta məktəbin direktor müavini Arifə İsayeva və  5 nömrəli tam orta məktəbin müəllimi Telli Kərimxanova çıxış edərək ölkə prezidentinə təhsildə göstərdiyi diqqət və qayğıya görə minnətdarlıqlarını bildirdilər.