23 yanvar 2020-ci il tarixdə şəhər 2,3,6,8 nömrəli, Havarlı kən tam orta və Yuxarı Bucaq kən ümumi orta məktəblərdə mütaliə aylığı ilə bağlı tədbirlər keçirilib.

Azərbaycan Respublikası Təhsil Nazirinin 30 avqust 2019-cu il tarixli F-531 nömrəli əmrinin icrası ilə əlaqədar Yevlax şəhər Təhsil şöbəsinin fəaliyyət planına uyğun olaraq rayonun ümumtıhsil məktəblərində kitabxana xətti ilə keçirilən "Mütaliə aylığı"nda məktəblərin Azərbaycan dili və ədəbiyyat müəllimləri,kitabxanaçılar və 8-10-cu sinif şagirdləri iştirak edib.

     Keçirilən tədbirlərdə əsas məqsəd şagirdlər arasında  mütaliə mədəniyyəti və oxu vərdişlərinin inkişaf etdirmək və şagirdlərin oxuduqları Azərbaycan ədiblərinin rayrı-ayrı əsərlərin müzakirə etməkdir. Çıxış edən müəllimlər  gənc nəslin dünya görüşünün formalaşmasında, onların bədii təxəyyülünün inkişafında, mütaliə mədəniyyətinin artırılmasında və hərtərəfli inkişaf etmiş bir vətəndaş kimi yetişməsində müstəsna əhəmiyyəti olan kitabın rolu haqqında məlumatlar verdilər.