21 may 2021-ci il tarixdə  Türkiyədə "Yunus Əmrə" ölkəmizdə "Nizami ili" ilə əlaqədar olaraq Samsun Canik Uludağ ortaokulu və Yevlax Şəhər 5 nömrəli tam orta məktəbin pedoqoji kollektivinin birgə təşkilatçılığı ilə tədbir təşkil olundu.

    Tədbirdə Yevlax Şəhər Təhsil Şöbəsinin müdiri Namidə Abbasova,ŞTŞ-nin əməkdaşları,şəhər 5 nömrəli tam orta məktəbin müəllim və şagird kollektivi eyni zamanda Samsun Canik Uludağ ortaokulu müəllim və şagirdləri,məktəb direktorları,Türkiyə və Azərbaycan Univeristetlərindən professor və müəllimlər iştirak edirdi.

    Görüşdə Nizami Gəncəvi və Yunus Əmrə haqqında məlumat verildi,əsərlərindən seçmələr oxundu.Youtube üzərindən canlı yayımlanan görüşdə müəllim və şagirdlər tərəfindən qəzəllər söylənildi.

    Tədbir iştirakçıları bu kimi görüşlərin keçirilməsinin Azərbaycan qardaş Türkiyə münasibətlərinə təhsil və mədəniyyət sahəsində də böyük töhvələr verəcəyini qeyd etdi.