Martın 16-da Ucar rayonu üzrə təhsil sektorunun təşəbbüsü ilə Ucar şəhəri Heydər Əliyev Mərkəzində rayonun ümumi təhsil müəssisələrində sağlamlıq imkanları məhdud olan və evdə təhsil təhsilə cəlb olunmuş şagirdlər üçün “Novruz çiçəkləri” adlı bayram şənliyi təşkil olunub.

Tədbirdə Ucar rayonu üzrə təhsil sektorunun müdiri Rahib Burcəliyev, Ucar şəhəri Heydər Əliyev Mərkəzinin direktoru Mətanət Qəribova,təhsil işçiləri, rayonun ictimaiyyət nümayəndələri, şagirdlər və valideynlər iştirak edib.

Tədbirdə çıxış edənlər xalqımızın ən əziz bayramlarından biri olan Novruz Bayramı münasibəti ilə hər bir kəsi təbrik edib və şagirdlərə bayram hədiyyələri təqdim ediblər.

Eyni zamanda şagirdlərin ifasında Novruz bayramının adət-ənənələrini özündə əks etdirən səhnəciklər nümayiş olunub, milli rəqslərimiz təqdim edilib, mahnılar səsləndirilib.