Martın 16-da Ağdaş şəhəri M.Şeyxzadə adına internat tipli THT fənləri təmayüllü  gimnaziyada rayonun ümumi təhsil müəssisələrində təhsilalan şagirdlər arasında Novruz bayramına həsr olunan intellektual bilik yarışı keçirilib.

Ağdaş rayonu üzrə təhsil sektoru tərəfindən təşkil olunan yarışda 13 komanda iştirak edib.

Keçirilən bilik yarışının nəticəsinə əsasən Ağdaş şəhəri P.Babayev adına 7 nömrəli tam orta məktəbin komandası I yerə, Ağdaş şəhəri Nizami adına 2 nömrəli tam orta məktəbin komandası II yerə və Ağdaş rayonu Dəhnəxəlil kənd tam orta məktəbi isə III yerə layiq görülüb.

Sonda qalib olan komandalar Ağdaş rayonu üzrə təhsil sektorunun müdiri Leyla Bayramova tərəfindən “Fəxri Fərman” ilə təltif edilib.

Qeyd edək ki, bilik yarışının keçirilməsində məqsəd yeniyetmə gənclərin asudə vaxtlarının səmərəli təşkili, onlar arasında sağlam rəqabəti gücləndirmək və onların istedadlarının aşkara çıxarılmasından ibarətdir.