Aprelin 7-də Mərkəzi Aran Regional Təhsil İdarəsinin müdiri Elçin Kərimov Ucar şəhərində həmin rayonun qeydiyyatında olan vətəndaşları qəbul edib.

Qəbulda vətəndaşlar, əsasən, işlə təmin olunma, iş yerinin dəyişdirilməsi və həmçinin digər məsələlərlə bağlı müraciətlər ediblər.

Təhsil İdarəsinin müdiri qəbula yazılmış vətəndaşları diqqətlə dinləyib, hər bir müraciətin operativ şəkildə araşdırılması, qaldırılan məsələlərin qanunvericiliyə uyğun həlli istiqamətində idarənin struktur bölmə rəhbərlərinə tapşırıqlar verib.