Aprelin 19-da Mərkəzi Aran Regional Təhsil İdarəsinin fəaliyyət göstərən ümumi təhsil müəssisələrində hazırda təsərrüfat müdiri, təsərrüfat işləri üzrə direktor müavini və tam orta məktəblərdə vakant olan psixoloq vəzifələrinə işə qəbul müsabiqəsinin test imtahanı mərhələsi keçiriləcək.

Qeyd edək ki, sözügedən vəzifələrə işə qəbul müsabiqəsinin sənəd qəbulu prosesində iştirak edən 269 namizədin sənədləri yoxlanılmış, müvafiq vəzifənin tutulması tələb və şərtlərini ödəyən 119 nəfər namizəd test imtahanı mərhələsində iştirak etmək hüququ qazanıb.

Test imtahanı mərhələsi Yevlax şəhəri İ.Nəsimi adına 3 nömrəli tam orta məktəbdə (ünvan: Yevlax ş. C.Cabbarlı küçəsi 76) təşkil olunacaq.

İmtahan saat 15:00-da başlayacaq.

İmtahanda namizədlərə məntiqi təfəkkürün yoxlanılması üzrə 5, ümumi dünyagörüşünün yoxlanılması üzrə 10, vəzifə üzrə 15 sual olmaqla, ümumilikdə 30 test tapşırığının cavablandırılması üçün 60 dəqiqə vaxt veriləcək.

Namizədlər imtahan gələrkən şəxsiyyəti təsdiq edən sənədi təqdim etməlidirlər.

Qeyd edək ki, müsabiqənin test imtahanı mərhələsində iştirak edəcək namizədlərə qeydiyyatdan keçdikləri əlaqə nömrələri vasitəsilə məlumat bildiriləcəkdir.

Bundan əlavə olaraq namizədlər müvafiq vəzifələr üzrə işə qəbul müsabiqəsinin test imtahanı proqramı ilə aşağıdakı linkə keçid etməklə tanış ola bilərlər.

Test imtahanı mərhələsində iştirak edəcək bütün namizədlərə uğurlar arzulayırıq!

Keçid linki:

Müsabiqə proqramı