Avqustun 30-da Mərkəzi Aran Regional Təhsil İdarəsində 2023-2024-cü tədris ili üzrə keçirilən müəllimlərin işə qəbulu müsabiqəsinin və təhsilverənlərin sertifikatlaşdırılması prosesinin test imtahanı mərhələsində göstərdikləri fəal və nümunəvi xidmətlərinə görə bir qrup təhsil işçisi, eləcə də təhsil işçiləri arasında təşkil olunmuş şahmat turnirin qalibləri təşəkkürnamə və diplom ilə təltif olunublar.

Tədbirdə Mərkəzi Aran Regional Təhsil İdarəsinin müdiri Elçin Kərimov, müdir müavini Cavad Cavadov, struktur bölmə rəhbərləri və təltif olunan təhsil işçiləri iştirak ediblər.

Tədbirdə çıxış edən təhsil idarəsinin müdiri Elçin Kərimov təltif olunan əməkdaşları təbrik edib və qeyd olunan proseslərdə yaxından iştirak edən hər bir təhsil işçisinə öz təşəkkürü bildirib, onlara uğurlar arzulayıb.

Sonda 2023-2024-cü tədris ili üzrə keçirilən müəllimlərin işə qəbulu müsabiqəsinin və təhsilverənlərin sertifikatlaşdırılması prosesinin test imtahanı mərhələsində göstərdikləri fəal və nümunəvi xidmətlərinə görə bir qrup təhsil işçisi, həmçinin təhsil işçiləri arasında “Heydər Əliyev İli”nə həsr olunmuş şahmat turnirinin qalibləri təşəkkürnamə və diplom ilə təltif olunub.